Ishin kalimtarët që lajmëruan policinë pasi panë tymin dhe flakët. Një ngjarje e ngjashme me filmat me atentate mafioze ajo që ka ndodhur pasditen e kësaj të shtune, në afërsi të fshatit Derven, në Fushë-Krujë.
Një automjet është djegur tërësisht bashkë me një person i seksit mashkull brenda tij. Policia lokale ka thënë për Gazetën Shqiptare se automjeti i shkrumbuar është një “Volkswagen” me targa të Mitrovicës, ndërsa ngjarja ende mbetet misterioze.
Nga hetimet e para, policia dyshon se bëhet fjalë për një vrasje e më pas djegie të automjetit me trupin brenda për të fshehur gjurmët.
Makina është me targa të Mitrovicës, ndërsa trupi i pajetë dyshohet se është pronari i saj, Xhaferr Osmani. Automjeti ka hyrë në Shqipëri përmes pikës së kalimit kufitar të Morinës rreth 5 ditë më parë. Trupi i pajetë është i karbonizuar çka vështirëson identifikimin e viktimës.
